教會姊妹介紹咗Fantasy Concept俾我，我覺得佢哋嘅態度好友善，又會好熱情咁服務我哋，令我哋有種被歡迎嘅感覺❤️， 所以就揀咗佢哋！而且我都覺得佢哋好專業同有經驗， 會即時解答到我哋嘅問題🌟。負責我嘅女同事都好仔細咁介紹唔同嘅package，喺揀衫同婚禮方面，佢都俾咗好多有用嘅資訊我哋🥳， 令我哋有多啲嘢可以參考。

我哋揀Pre Wedding影相嘅地點嗰陣有提出過需求，佢哋都會盡量配合😝。室外我哋去咗馬灣影，室內就喺Fantasy Concept嘅studio到影📸，入面嘅景都幾多元化，而且個場係啱啱裝修完，所以好新淨。攝影團隊俾我嘅感覺係幾開心，又會搞下笑咁樣🤣。影之前佢哋會了解我哋嘅喜好，所以我哋就提出咗想影海，沙灘🏝同草地。無論係化妝定係攝影，Fantasy Concept都做足準備， 睇得出佢哋有備而來同好專業💯。佢哋都比好多清晰嘅指示我哋去擺pose🥰。成個拍攝嘅過程都係好開心，令我哋都好輕鬆同享受成個過程💕。

攝影師啊聰同化妝師都有好好嘅溝通，彼此之間都好有默契👍。化妝師好有經驗，都有同我溝通過我想要一個點樣嘅妝容，化嘅妝好自然，所以我都好滿意佢化嘅妝🤩。 途中佢都有幫我補妝同睇睇個髮型有冇亂😆。 仲有一個地方覺得佢哋好好嘅就係影外景嗰日雖然落雨，但佢哋都好願意等，話可以再等一等先入馬灣，入到去真係停咗雨😙， 所以佢哋真係好願意配合我哋嘅要求，又會聆聽客人嘅意見！

啲相出到嚟嘅質素、風格，都同預期之中一樣。佢哋嘅團隊真係好細心，而且又好風趣，成個過程俾到一種幸福嘅感覺我💗， 同埋好期待收到啲相😋， 所以我都會想介紹Fantasy Concept俾朋友😝！