我哋網上睇到佢哋嘅網頁，本身都有睇過其他公司，最後我哋都係揀咗La'More，係因為我哋有上咗去trial，trial果陣員工都好nice咁介紹佢哋嘅服務，同埋試咗啲衫都覺得好啱☺️。我哋有喺FB group睇到佢哋有好多positive嘅comment，所以都好有信心揀佢哋👍。

我哋主要係約時間上去溝通，第一次take package，第二次試衫，之後就final check。佢哋都好細心同好有心機，中間我哋都有好多嘢更改，佢哋都好願意同我哋傾，達到我哋嘅需求🥰。 我哋用咗全日一條龍服務，因為全日package包比較多嘢，因為我哋嘅婚禮都係搞半日，做完啲早上嘅程序跟住就去午宴。同埋佢哋都有好多新阿媽婚紗款式同埋啲衫都好新淨，最後都有揀到自己鐘意嘅款式😍。媽媽同婆婆都有好多唔同嘅款式，可以試到啱為止。而男仔款式就唔係太多，不過每個size都有。佢哋都會畀啲意見我哋，咩身形適合邊啲顏色同款式俾我哋試，佢哋眼光都好適合我哋。👍

攝影師係Alan同Elaine，都feel到佢哋好有經驗同好friendly，會教我哋點擺動作，同埋賓客都覺得條片好好嘅！🤩 Package有包新阿媽化妝，新郎嘅話係另外送嘅，而化妝師Reese好有經驗，試妝同Bigday之前，我都有send啲相畀佢睇，最後就做咗4個妝，我都好鐘意😍。 整體上我哋都滿意同相處得好Friendly，佢哋都好負責任，無論幾夜都好都會回覆我哋。