我覺得Ocean Wedding 價錢比較實惠同適合。我喺Whatsapp同佢哋溝通，佢哋都覆都好仔細。👍 我哋用咗pre-wedding嘅服務，室外我哋就去咗香港嘅迪欣湖拍，揀地方嘅時候我哋都有同佢哋商量下，佢哋都會畀我idea要去邊度影，成個過程我哋都好自由。

攝影師都好專業，我哋都有俾啲圖畀佢哋參考點影，同時佢都會教我哋點擺post先好睇，佢嘅為人都好主動，會俾好多意見。 最深刻嘅事係拍攝當日有啲熱，但係擺post方面佢都會俾少少意見，然後搞下笑，令整個氣氛輕鬆啲。😎佢攝影方面好落力，有時候仲會冒下險幫我哋影，但係我覺得好危險，可能會整傷自己。☺️佢哋都有提供化妝師，化妝師都有問我鐘意點嘅妝容，同時都會注意我嘅妝有冇溶，好細心照顧我哋。 我哋已經收到相，影出來嘅相都好滿意😍，因為我哋嘅要求唔係好高，我哋都搵返一啲reference參考，但主要都係喺室內，天氣好嘅話影出來嘅相都好睇嘅。

Big day嗰日，本來想搵返pre-wedding嘅化妝師同埋攝影師，但係攝影師有啲唔舒服就委派咗另一個人代替佢。其中都係第一次合作所以我有少少緊張，但係佢都好落力同埋用心。我哋影大合照嘅時候佢搬凳攞好個角度去幫我哋影，佢都好努力👍。 我哋都加咗敬茶嘅環節，都邀請咗佢搞啲氣氛，都講咗一啲吉祥語。雖然冇得用pre-wedding嘅攝影師，但係最後整個過程都開心嘅，因為其中對佢哋有信心，佢哋都有同我哋解釋返整個嘅程序，叫我哋唔使擔心，我覺得都好好。