我哋係上去La'more舖位嘅時候見到裡邊真係好多衫，超多選擇同埋婚紗款式好靚。🥰當時都有睇過其他公司，但係其他唔係好岩心水，最後我哋都係揀咗La'More同埋買咗package。除咗款式夠多，佢哋嘅職員都好友善同埋好幫忙，令到我哋都好放心。我哋都冇特別再上網睇La'more嘅評語，因為一去到店舖都已經揀到岩心水。☺️ 我哋一路都有同佢哋用WhatsApp同埋面對面溝通，佢哋都好專業同埋態度好好，非常熟悉啲package內容。

當日接待我哋揀衫嘅係Melody ，佢嘅服務態度好Nice，雖然款式方面好多，但係melody一邊講解同埋俾建議我哋，令我哋好容易就揀到岩款。😄佢會事前先會了解我哋嘅喜好，好似鍾意咩顏色、鍾意咩cutting ， 然後再跟佢嘅眼光幫我哋篩選合適的款式同風格，成個過程簡單好多，唔駛亂咁揀。🥰Melody 會喺旁邊全程幫手我哋試衫，仲會教我哋點行點企先最好。

另外最深刻印象係揀衫，都驚揀到自己好亂，之前上網睇過有啲店舖係會限試幾多件婚紗，甚至限時間，好多時候未必揀到岩心水就要走。但係Melody幫我哋試到滿意為止，同埋好貼心，俾唔同意見太太，覺得佢襯邊個款式都會拎俾佢試吓。 😉我哋同時都喺La'more租長輩衫，除左夠多款式，佢哋都可以俾長輩任試，直到岩心水為止。當然佢地都俾多好專業建議長輩，譬如點樣避免撞色，點樣配搭先靚，因為有時我哋都未必留意到呢啲細節。🤩而且佢哋間店大咗，所以試衫嘅環境都好闊落同舒服，因為婚紗都比較大件，咁樣試衫嘅時候會靈活啲。 如果有朋友結婚，我都會推介La'more俾佢地。佢地全部職員都好細心，啲衫除咗多款式之外，仲有好多新款同風格。整體上嘅服務我哋都好滿意，成個服務過程我哋都好開心💯