我係透過朋友嘅介紹認識到Kylie，就接觸到The Clover Wedding Music，其實其他朋友都有介紹過其他Liveband俾我，但係我覺得其他Liveband嘅style唔係好啱我心水。☺️ 當時網上睇過The Clover佢哋嘅演出片段，Kylie嘅音樂風格係比較柔和,我就覺得比較展現到我想要嘅style，所以就直接揀咗The Clover Wedding Music。😘本身就冇特别去搵佢哋網上啲comment，咁揀完之后，Kylie就有send條link俾我參考佢哋啲片，我亦都有去望吓網上嘅video，我都好放心交俾 Kylie。 👍我哋多數都係以whatsapp為主去傾細節，同佢哋溝通嘅時候，佢哋同事態度好好，好細心咁同我解釋。💯

至於song list方面，佢哋都會事先了解我哋鍾意嘅風格，亦都會推薦返啲合適嘅音樂🎼，由於我哋婚禮比較rush，所以就直接揀好我哋鍾意嘅song list同埋send返我哋嘅rundown俾佢哋，☺️咁啱原嚟我哋揀好嘅song list係同佢哋原先想推薦俾我哋嘅歌單大部分都係相同嘅，所以佢就再推介啲同類型嘅音樂我哋，我覺得佢哋都好helpful，好願意搵好多音樂俾我做參考，❤️整個揀歌單嘅過程都好smooth。 👰🏻‍♀️婚禮當日，淨係有幾個環節我有要求特定嘅音樂，其餘嘅part都係由Kylie佢哋安排。咁當日嘅音樂都有好多風格，有柔和同埋輕快嘅，因為我同先生都比較忙，行嚟行去，但係都多少聽到一啲音樂係好好聽嘅。我仲好記得當時有啲朋友問我， Liveband邊度搵嘅，好好聽，好enjoy！🥰 有啲賓客都有feedback話，The Clover演奏嘅音樂，好正！其實我自己本身嘅拍攝團隊就未send啲片俾我，咁朋友就有用手機有影低liveband啲video，我睇完之後，都好surprise，可以帶動到賓客投入到佢哋嘅音樂氛圍入邊。🥰

整體嚟講，我覺得The clover wedding music嘅演出准備得好充足，婚禮當晚，安排咗6位同事一起演奏，團隊自己都好有默契，💯知道要點夾，第一印象覺得佢哋合作咗好多年。而且當時候我真係搵得好急，好幸運The Clover咁啱available，❤️價錢又符合我哋嘅budget，有關音樂各方面嘅嘢我哋都好放心，尤其係我daddy帶我入場嘅part，超正啊！🥳有配合到我嘅要求，成個入場都有一種好warm嘅感覺，令到我嘅婚禮變得好特別，真係好滿意，😃另一半都話我揀得好好，當晚The Clover Wedding Music團隊演出嘅水準都好高。