開頭我同太太就睇咗幾間公司，對比之下我哋都比較鐘意Fantasy Concept影出嚟啲風格，覺得比較自然。😚 同事都好專業，會好細心講啲plan俾我哋，又唔會強制sell我哋一定要揀貴嘅plan，係好有禮貌咁介紹同埋了解我哋嘅需求，啲message亦都覆得好快，又解答到我哋好多問題，令我有好大嘅信心可以放心交俾佢哋，成個相處氣氛都好舒服，唔會好拘謹😙。

我哋最後就用咗Fantasy Concept Big day嘅攝影package。拍攝前，攝影師都會同我哋溝通吓想要啲咩風格同效果，引導我講出一啲擔憂嘅問題，再提出一啲建議幫我哋諗辦法解決問題。攝影師都會主動幫我哋睇吓嗰rundown，仲會俾好多有用嘅資訊我哋參考。 Bigday當日，Fantasy Concept就安排咗一位攝影師同一位拍片師傅，佢哋就會事先夾吓啲工作分配，例如遠鏡，近鏡呢啲shot係咩位影，都會溝通好。而且佢哋非常有經驗，影大合照嘅時候，會帶動吓氣氛，講啲吉利說話，大家都笑得好開心好自然。🥰

攝影師真係好幫得手，成日都引我哋笑，搵好多唔同角度幫我哋影，感覺到佢係真心想為新人影到靚嘅作品。😆 Bigday當晚，佢好早就剪好條片俾我哋過目，全日嘅highlight都有記錄到，好多親戚朋友睇完之後，都讚不絕口，覺得好吸引，有啲位都會touch到大家。而且攝影師比較搞笑，又玩得起，會帶我哋一起去影好多奇怪又有趣嘅花絮，咁成條片就有搞笑又有感動嘅位🤣，佢哋真係好願意配合我哋嘅要求，又會聆聽客人嘅意見，條片基本上詮釋咗我要求嘅自然同真實感。Fantasy Concept嘅同事都好friendly，大家都好照顧我哋，成個過程都好開心💕！