籌備婚禮嗰陣喺網上睇到The Clover Wedding Music嗰啲demo片。其實我同時search咗好多婚宴樂隊，都睇咗好多唔同類型歌手嘅demo片，而The Clover Wedding Music嘅其中一位歌手把歌聲係好有磁性，好似一位我好中意嘅歌星，所以就揀咗The Clover Wedding Music 嘅樂隊。 首先佢會send咗我要求嗰位歌手佢擅長嘅歌單俾我，咁我自己按佢嗰個演出嘅時間，揀咗幾首歌同埋要求咗幾首歌單冇嘅歌，個歌手都願意嘗試去演譯，好flexible。有啲疑問嘅時候，佢哋都好清晰咁解答到我嘅問題，呢層覺得佢哋好有經驗。演出之前The Clover 嘅同事都好主動去聯絡酒店嘅內部同事，安排演出當晚嘅所有細節位，所以我就煩少咗呢一part，而當晚演出嘅整個流程都係佢哋一手一腳同我安排，所以覺得佢哋嘅同事好專業🌟。

Big Day當日3點鐘未到我已經見到佢哋大部分嘅人已經到會場喺幫手Setup，團隊合作度好高。當晚嘅演繹歌曲全部都係我心愛嘅，所以我好中意，好開心💘！甚至覺得個水平超出我嘅預期，現場嘅賓客都好投入喺當時嘅氣氛，大家都好開心，而當晚都收到好多positive feedback！