我見到 Chris Ling 嘅相好靚，感覺好有故事性，吸引到我同先生，所以就去詳細了解佢哋嘅package。👍🏻 過程中，同事都好專業咁去回答我嘅問題，非常之有禮貌，又好好笑容，成個了解過程都相處得非常舒服。🥰 攝影師都會提前同我哋嚟個簡單嘅meeting，了解我哋嘅喜好。無論我哋有咩鍾意嘅造型或風格都可以send俾佢。我哋就去咗幾個户外景，同埋 Chris Ling 嘅studio到影相，所以喺背景方面都好多元化，選擇好多。😙 攝影師都好nice，好啱傾。開頭我哋有啲緊張，佢都好好人，lead住我哋擺pose，搵角度，幫我哋投入到氣氛入邊。當日仲有化妝師全程跟身，佢哋都配合得都好好❣️。化妝師都好有經驗，一睇就知我適合啲乜嘢妝容，連首飾，頭飾都幫我襯埋，化妝又好快手，我都好滿意整體妝感同髮型✨。我哋都已經收到曬啲相嘅softcopy，成個風格都符合我哋嘅要求，比我哋預期中更加好。😜 拍攝期間我先生唔覺意整跌咗部電話，團隊都非常之熱心幫我哋諗解决方案，最後好順利咁完成成個拍攝。好多謝Chris Ling嘅同事咁配合我哋，前期我哋改過幾次期，佢哋都好細心，會幫我哋重新安排過啲時間行程。Chris Ling 嘅服務真係好好，好值得讚賞，做到以客為先，希望更加多嘅新人可以關注到呢間公司！💯