第一次接觸 Ocean Wedding嘅時候，當時睇過佢哋嘅package同價錢，感覺幾合理，亦都符合我哋嘅預算，所以就揀咗 Ocean Wedding❣️。由溝通到拍攝當日， Ocean Wedding嘅團隊都俾我一個非常好嘅印象🌟。尤其係佢哋嘅回覆速度好快，無論係解答問題定係提供嘅建議都好有用，令我哋好安心❤️。

我哋揀咗 pre-wedding 嘅package，喺影樓同埋外景都有影。揀拍攝地點嘅時候，Ocean Wedding會先聽我哋嘅意見，再俾專業嘅建議，最後連路線都係佢哋幫我哋安排好曬，好放心交俾 Ocean Wedding🌟。拍攝前，攝影師有特別問我哋有冇啲咩要求或喜好，我哋講咗幾個想要嘅拍攝效果，團隊都盡量配合我哋去安排。而 Ocean Wedding嘅化妝師亦都非常專業，不單止幫我哋嘅化妝，仲會幫我哋拎住啲衫，好貼心✨。

拍攝當日天氣非常炎熱，但 Ocean Wedding全程都保持專業🥳，冇因為天氣而放慢節奏，尤其係去到中環嗰陣，啲車噪音好大，但攝影師仍然非常有耐性，俾清楚嘅指示我哋，甚至教我哋擺姿勢，因為我哋真係唔太識點擺。攝影師好用心，令整個拍攝過程變得輕鬆，令我哋好投入，好照顧我哋🥰！

唯一少少缺點係雖然佢哋嘅禮服選擇比較多，但有啲款式有啲舊，可以考慮更新一下👍。初步睇咗幾張相，相嘅質素好高，同我哋當初睇 sample 嘅風格一致，冇落差！❤️