La more嘅package都好啱我哋，所以最後揀咗佢哋。同佢哋溝通嘅時候，同事表現得非常friendly同helpful，都解答到我所有疑問，又俾到好多建議我哋😚。就算La more嘅同事放假，但係交接嘅工作都做得好好，而且價錢都合理。

同事會根據我嘅身型、膚色俾建議我，去幫手揀款式。同事唔單止會俾我試自己想要嘅款式，仲會推薦幾款我未考慮過嘅禮服，試過之後發現佢哋嘅專業建議真係非常好❤️。La more嘅禮服選擇相當多同新，除咗新娘婚紗之外，仲有晚裝，甚至有埋褂。最欣賞係佢哋可以滿足我哋嘅需求，租曬新人同四大長老嘅衫，我哋都唔洗再去其他舖頭，真係慳返好多時間🥰。佢哋配嘅飾物都多，頸鏈同披肩都會有。

本身我哋都好擔心老人家揀衫嘅環節，但係我哋真係好欣賞La more同事照顧老人家嗰一部份，係每一個同事都好好，對四大長老特別有耐性🌟。試衫時亦完全冇催促，俾足夠時間我哋慢慢挑選。佢哋嘅安排亦非常有條理，即使星期六日人流較多，La more都處理得好好，而且幾時final fit，幾時拎衫，同事都講得好清楚，唔洗我哋煩👍。不過男士禮服嘅款式可以再多啲，可能集中咗喺深色系到，之後如果能有多啲款式會更加好！