我哋覺得Chris Ling嘅風格啱我哋嘅心水，佢哋嘅作品有一種自然、輕鬆嘅感覺，睇落去係溫馨舒服。我哋揀咗喺日本同香港影 prewedding。團隊對京都都好熟悉，避開到人多嘅熱門景點，佢哋都安排得好好。團隊都好nice，一開始我哋冇乜概念，但係Chris Ling都俾咗好多意見我哋，感覺團隊好有經驗💯。Chris Ling都會先了解我哋嘅拍攝需求😆，同埋我哋已經喺香港影過，所以攝影師同化妝師都好熟悉我哋，知道我哋想要嘅效果💖。

喺拍攝過程中，攝影師真係好專業同細心，記得有一張相係喺日本嘅圓形窗框前面影，當時我哋唔知道Chris Ling會用黑白效果處理，最後出嚟嘅效果真係好有藝術感，係一張好特別嘅相💕，我哋都冇諗過Chris Ling會有呢一個構思，我哋仲將佢放大咗做掛畫。原本我哋計劃影櫻花，但當時落大雨，攝影師都冇放棄，係困難嘅情況下搵到一個地方，最終我哋都拍到粉紅色嘅櫻花背景，真係好勁👍。

Chris Ling有designer駐店，所以款式都比較特別。試婚紗嘅過程中，同事都會主動俾意見，根據我哋嘅喜好推薦適合嘅款式🤩。唯一有啲小小疑惑係喺化妝方面，因為喺香港，眼睫毛可能需要額外加錢，但喺澳門就唔洗，可能係兩地文化差異嘅問題，我就唔太知道🤣。 整體拍攝過程好似去玩咁開心，除了我哋滿意之外，親朋戚友都覺得啲相好特別，未見過咁嘅風格，比較活潑啲！