一開始First Love Wedding回覆得好快，好快就幫我確認好化妝師嘅檔期，效率真係好高，令我印象好深刻☺️。嗰陣我對婚禮當日嘅流程唔係咁熟，例如要幾多位化妝師、點樣安排時間都唔係咁清楚。First Love Wedding好主動咁幫我plan曬成個化妝流程，包括化妝時間、補妝時間等等，幫我慳咗唔少時間🤩。佢哋個團隊好有經驗，仲俾咗好多實用嘅建議我！成個溝通過程都好順利，First Love Wedding亦都好有耐性，例如我哋當日無時間安排化妝師食飯，佢哋都願意配合同接受現金津貼，處理得好有彈性同體諒我哋。 至於化妝方面，我本身唔太識點樣化妝，又冇乜特別要求，但最終出到嚟嘅效果我好滿意😋！佢哋根據我個樣幫我諗點樣化個妝，出到嚟嘅感覺係自然又有精神。我細妹都好開心，化妝師化妝嗰陣會教佢一啲技巧，佢話偷到好多師😚！另外，First Love Wedding啲工具都好齊全，例如眼睫毛都有好多款可以揀，會因應唔同人嘅眼型去配搭。髮型都可以因應風格調整，例如我妹本身驚紮髻會顯老，化妝師就幫佢放低少少頭髮，加啲飾物，出嚟效果就唔會有老嘅感覺，真係感覺到團隊好用心！🥰