我最初其實都有同時睇過幾間類似嘅團隊，唔係一開始就決定揀Miss Suki Wedding。不過比較過之後，覺得同事嘅講解好詳盡，價錢又合理，整體感覺最好，所以最後就揀咗佢哋。 喺前期溝通方面，我覺得佢哋整體印象都幾好。無論我哋問咩問題，佢哋都會解答得好清楚，同時亦會按住我哋本身嘅諗法俾啲建議，幫我哋諗得更加全面😋。溝通過程算順暢，資訊足夠，唔會覺得模糊或者唔清楚。到正式安排同拍攝嗰段時間，佢哋都會幫手睇時間同流程安排，令成件事進行得順利。同埋去韓國影pre-wedding個陣，都會有一個翻譯同我哋一齊進行拍攝，所以喺語言上都冇咩問題。當日Miss Suki Wedding亦都跟得好貼，基本上全程喺我身邊，如果有咩需要或者問題，都可以即刻搵到人幫手，所以我都覺得好穩陣❣️。拍攝方面，攝影師會俾清晰指示，所以我哋唔需要諗太多，只要跟住做就可以，成個過程都算輕鬆。另外，我哋都有用到佢哋其他服務，例如係MC，佢同我哋都配合得都幾好，幫我哋解決咗一啲緊急情況！ 如果佢哋可以喺人手安排方面做得更加好就好了，可以一個同事follow一對新人會好啲，同埋飾物嘅租金可以再平少少。團隊都好願意配合我哋嘅要求，如果我哋想同賓客影多啲相都係可以嘅！