精選網誌

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

Back to top

2020年11月13日 12:18:27

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

閨蜜出嫁了,做姊妹嘅一定想好好幫手!但其實做姊妹要兼顧好多嘢,一啲都唔容易!今次編輯部就整理咗一個「姊妹團終極懶人包」,內附金器整理貼士、姊妹任務清單、揀姊妹裙貼士同姊妹團Posing Ideas,所有資料一文盡覧,一次過解答姊妹們心中疑問!

撰文:婚享會編輯部|圖片來源:Mr.L PhotographersOcean Wedding Service、網上圖片

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

必讀!金器整理5大重點!

大日子當日新人會收到唔少金器~ 為咗確保金器能夠喺短時間之內記錄、整理妥當,新人同好姊妹都必讀以下5大貼士!

1/ 預備Checklist + 貼Label

大家可預先問定新人屋企人有邊位長輩要飲茶,越詳細越好,然後準備好金器記錄表,當日就可以mark清楚每件金飾款式、數量、送禮人、贈送時段、牌子等,想mark得再清楚啲,可以預備較細張嘅Label,貼入金器盒之餘又可以貼埋喺龍鳳鈪入面,咁就一目了然啦!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

2/ 拍下敬茶合照+金器close up

各位姊妹亦可以用手提電話/相機做記認,當新人喺敬茶時收到金器,即可以幫手影兩張相:一張係敬茶合照,另一張係金器close up,之後自然可以睇相認金器啦~

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

3/ 囍字向出~ 拍攝效果更好!

無論擺好金器俾攝影師影,又或者新人戴住金器影相,都要記住囍字要向出,咁樣影出嚟會更靚!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

4/ 準備紅繩、透明膠紙

大家記得要準備紅繩,以防金器太多可以綁埋一齊~ 而且仲要有透明膠紙,前後將金鐲扣位置貼實,可防止金鐲扣鬆脫之餘亦唔礙眼!

5/ 找負責任好姊妹幫手!

最後,當然要有負責任嘅好姊妹幫手執行任務!負責嘅姊妹一定要信得過+有責任感+膽大心細,有經驗嘅當然更好,可以令你放心享受婚禮!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

姊妹任務清單!

做得新娘姊妹嘅都係閨蜜,當然想自己可以好好幫到手!細心留意以下12大重點,做好婚禮任務,令新娘留下美好回憶!

1/ 好好管理人情、禮物、斟茶利是

被安排坐接待處嘅姊妹,收人情時記住要檢查對方喺利是上有無寫自己名~ 如果無嘅話,亦要禮貌地提醒賓客,問對方係男家定女家親友?貴姓?而且記住「人情」同「斟茶利是」要分開,仲要記錄得清清楚楚~

2/ 看管金器首飾

姊妹除咗要幫新娘換衫之外,仲要幫新娘配戴、點算同存放首飾金器,親力親為,令新娘放心!

3/ 細心保管新娘物品

時刻保管好新娘物品,檢查好現場有沒有遺留物品,清楚每樣東西擺放位置。特別貴重嘅物品如對戒、金器等,應該交俾一位專門保管貴重物品嘅姊妹。

4/ 時間管理

姊妹亦可幫手管理婚禮流程,包括吉時提醒、按時證婚、在指定時間內完成佈置,仲有同主人家了解開席與否等等。

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

5/ 清楚流程、聯絡人

確認婚禮當天流程,了解清楚各個工作人員嘅詳細名單同聯繫方式。

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

6/ 佈置房間

細心佈置房間,貼上喜字貼,令攝影效果更好。

7/ 新娘的穿搭專員

幫新娘穿婚紗,安排每件婚紗、禮服嘅首飾同婚鞋配搭。

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

8/ 協助舉行重要儀式

接新娘、敬茶時安排妥當,細心拹助每一項重要儀式。

9/ 隨時準備紙巾!

儀式上提前準備好戒指盒,仲有更重要嘅係:紙巾!喺新娘準備喊嘅時候立即遞上,仲有時刻準備清水同飲管,令忙碌嘅新娘都可以飲水而唔整花唇妝,更顯窩心。【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

10/ 令現場氣氛更熱鬧!

每個重要時刻,好似新人進場、錫錫、敬酒等環節,都需要兄弟姊妹團歡呼搞氣氛,令各位賓客更加投入!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

11/ 照顧四大長老

四大長老可能唔太熟婚禮流程,為咗令佢哋更加安心,可以安排姊妹喺四大長老換衫同準備上台嘅時候,照顧同提點佢哋。

12/ 宴後幫手清場!

婚宴完成後,姊妹當然唔好即刻換衫走人,可以協助新人換衫送客、執物資,當賓客都離開之後,就將新娘房物資好好送上酒店房或新人車。

揀姊妹裙3大原則!

姊妹係婚禮上嘅重要幫手,而且經常會一齊影相,所以揀姊妹裙都好重要! 但係點樣先可以滿足唔同姊妹嘅需要?點先可以襯到自己嘅婚禮/婚紗?只要按以下3大原則去選姊妹裙,自然可以同姊妹一齊靚到底,為婚禮加分!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

1/ 姊妹裙色系

顏色係好重要一環,B2B喺考慮姊妹裙色調時,最重要千祈唔好同自己嘅裙撞色,亦要考慮婚禮佈置主題、早上出門場地、行禮場地、晚宴嘅reception同 backdrop主色等,建議可以著上同婚禮場地有稍微對比顏色嘅裙,同時亦要顧及伴郎兄弟團嘅服裝顏色。雖然粉嫩嘅顏色好靚,但一般正粉紅、正黃色呢類顏色只有皮膚白嘅女仔先Carry得到,其實姊妹裙唔一定要鮮艷先好睇,不妨考慮豆沙色、霧灰藍色等帶點灰調嘅色調,同樣可以帶出仙氣。

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

2/ 姊妹裙質料

質料方面,亦最好配合婚宴嘅主題/婚紗嘅風格,若果整體感覺係比較仙氣嘅,姊妹裙不妨都選擇一啲紗裙/Lace嘅款式;如果整體感覺比較高雅,就可以加一啲珠片點綴~

3/ 姊妹裙款式

每個姊妹都有唔同喜好、身型,為減低成本,同時滿足姊妹要求,不妨選用「同色不同款」嘅方法,姊妹裙嘅款式亦不宜太性感,實用而美觀嘅款式就最好不過!近年越嚟越多姊妹鍾意輕鬆著上一條型格連身褲,走動方便之餘,亦不失華麗感!而且揀款式時都要配合婚禮場地,好似而家越嚟越流行戶外或海灘婚禮,喺挑選款式上就記得要避免揀雪紡長裙,如果唔係好易勾爛!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

5大姊妹團Posing Ideas!

一班姊妹一齊影相,唔係擺出「Yeah」手勢就係俾心心,不如事先Bookmark定一系列姊妹團影相Ideas,到Big Day當日自然唔駛你眼望我眼!

1/ 利用道具捕捉自然喜悅!

利用一系列道具,做出一連串拋彩紙、開香檳、玩氣球等動作,捕捉各位閨蜜嘅自然喜悅!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

2/ 互相攬腰

從背面影過去,一班姊妹互相攬腰,依偎在一起,感覺甜蜜,又可以從相片中展現一種唯美感。

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

3/ 手挽手靠在一起

亦可從正面拍過去,一班姊妹一齊手挽手,向中間(亦即B2B方向)靠在一起,成張相嘅構圖相當平衡,亦可從相片中感受大家對B2B嘅愛!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

4/ 頭貼頭Top Shot

一班姊妹一齊頭貼頭瞓喺地下,由攝影師以Top Shot手法拍攝,感覺清新又自然!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

5/ 睡房狂歡派對

B2B可以喺床上盡情跳躍,姊妹喺側邊擺出驚喜Pose,令成張相嘅感覺都變得好有動感、好開心!

【姊妹團終極懶人包】姊妹陪嫁必讀!姊妹任務清單、金器整理貼士、揀姊妹裙貼士等,一文盡覧!

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif