我上Facebook search晒做decoration嘅公司，覺得A plus嘅價錢同服務最啱比例，性價比最高，因為我睇我個價錢平時淨係得size細啲嘅foam printing board，但係佢哋嘅size大啲，printing同設計有好多俾我哋揀😍。佢哋可以tailor-made或者直接用佢哋啲款，因為我鍾意雲石，覺得佢哋嘅雲石款雖然係平面但係睇落好立體，出面立體嘅款起碼要加多三千蚊。佢哋年年都有擺婚展，我就喺婚展前一個禮拜睇定晒做好功課，又有問定佢哋婚展會唔會有優惠，佢哋就話有優惠而且可以睇到實物了解到多啲，之後去婚展睇咗就同佢哋簽contract啦😆。我去之前已經睇熟晒佢哋嘅menu，佢哋就講晒要加咩就要加幾多錢咁，唔會有隱藏收費。佢哋做到好多風格，童話式、啤牌、田園風或者elegant白色都得。原本簽約嘅時候可以揀埋款，但係佢哋就話有啲款係佢哋新設計，但係未有實物俾我哋睇到，要一個月之後先有人用，所以就叫我等佢哋做完嗰次event之後先揀，係想我真係揀個好嘅，唔會即刻逼我落決定☺️。原本我考慮緊要立體定係平面嘅backdrop，但係我個臺好淺，加埋立體嘅話賓客同我都企唔到位去影，同埋佢哋平面嘅雲石backdrop都可以做到立體嘅效果咁，佢哋就建議我哋某啲場用返平面會好啲，會諗咗我哋先，唔會夾硬為咗前逼我哋揀👍🏻。我哋覺得個個色都好靚，所以佢哋俾左好多時間同唔同色我哋睇，咩色佢哋都可以做到，因為佢哋老闆娘設計，出面係搵唔到一模一樣嘅🥳。譬如揀咗個款之後我想個雲石再出啲、金色再多啲，佢哋全部都可以做到。最後reception檯、相簿檯、證婚檯、地氈，大backdrop同相架全部係佢哋負責啦。佢哋做過好多次我哋擺酒嘅場地，所以好有經驗，仲知得多過我，一埋位就可以開始整，好專業啊🥰。我5點先開始，佢哋3點就已經去到場地，有足夠時間佈置。出嚟嘅成品賓客都讚話好靚。佢哋有好多嘢free咗俾我哋，毛毛地氈又免費加闊咗，呢個價錢真係物超所值啦🤩。

佢哋設計嘅template都幾好，我冇再重新設計，揀咗佢哋原有嘅template。我哋喺婚展上搵到佢，Club One木地板我自己麻麻地，所以想搵deco公司整個毛毛地氈。Deco性價比唔高，因為club one好多擺設本身已經有，例如枱上飾物已經提供左，我最主要係想要地氈同backdrop，所以焗住買個package。我哋去到場地時已經見到佢哋喺度set嘢，整個流程幾smooth。不過佢哋喺我外影時突然打電話嚟話台上唔夠位擺backdrop😨，要劏開一半先擺到，當時我完全聽唔明佢哋講咩，但佢哋之前有去度位，我唔明點解個backdrop做出嚟會唔啱size，好彩Club One職員幫我解決咗件事，當日先完滿完成到。