對APM呢間周大福好失望。 我哋買嘅喺玫瑰金加白金10K戒指，我去完度蜜月返嚟對戒指就爛咗，一開始就話喺我整爛，但之後冇耐就話我聽全部10K戒指都有問題要回收，又話間廠執左笠，全程冇賠償冇道歉，真喺乜嘢都唔做。個員工態度唔好，仲大我哋，質問我哋有無撞過隻戒指、放係高溫之下等等。後尾俾咗隻戒指佢哋做檢驗，但其實我覺得自己蠢咗，應該自己去驗。最尾只喺可以換過另一對，但想揀靚啲既款就要加錢，所以我哋最尾就俾多一萬換咗。 不過，因為我對戒指要祝聖，呢輪換戒指搞到祝聖同後尾既戒指喺唔同，我冇估過會發生呢啲事，仲要喺周大福。最尾揀返18K既戒指，就真喺穩陣啲，到依加都冇問題，可能10K太硬就會相對比較脆。

我個人幾喜歡周大福，因為佢多款、新潮啲，同埋做工都唔錯。我去左荃灣陽屋道街市附近，揀同試左好耐，個職員服務態度一直都好好。我買左一條龍鳯花錬、一對耳環，一對普通手鈪，同埋一龍鳯雕花手鈪，佢嘅龍鳯做得好立體同好精緻。 最尾佢地仲送左啲小禮物俾我，其中有把遮咁岩缺貨，佢叫我留低電話，到貨之後call我，而最尾又真係有打返俾我叫我拎返。如果我feel到hard sell我就會想走，但個職員就唔會，一直好自然咁介紹唔同款俾我同埋等我試，所以都幾舒服。