我覺得好開心，因為呢位係柏麗分店嘅manager做野做得好好，叫潘智慧女士。佢知道有咩款係靚，亦都會識揀啱我地嘅款。本身都有朋友介紹過，聽講佢揀嘅野都好好，但果陣就仲未幫趁過。結果佢拎嘅貨都係貨真價實嘅，唔會屈你買貴野，又會同我講邊啲貨係靚貨，又有邊啲雖然冇咁靚，但係budget入面係抵玩嘅款，由我自己決定。而且佢好熟自己嘅產品，又好熟客人想要啲乜野，會俾你應該需要嘅你揀，俾到好多advice我地。 佢仲拎左隻個個見到都話好開心嘅豬牌，因為隻豬好得意，下面吊住五隻豬fing下fing下，所以最後我老公都買左。

老爺奶奶係長沙灣周大福有個相熟嘅sales，我睇得出佢地想幫襯佢，所以就叫我睇睇。啲人都幾好相處，服務態度幾好，唔會pushy，我諗因為佢主要係serve舊客。款式黎講得好少，長沙灣分店其實唔多靚貨，可能佢地本身係預街坊黎買，但因為我就我奶奶，廢事佢咁辛苦，同埋佢又想幫襯下個sales。 其實我就冇乜所謂，都係意頭，戴左影相果陣又唔會係咁zoom睇下個款係點。做工都一般，睇得出唔同區域嘅金鋪係有唔同。不過後期佢地又驚我唔鐘意，覺得出面可能有啲靚啲，所以就叫我出去揀多款自己鐘意嘅。