香港九龍東皇冠假日酒店
Crowne Plaza Hong Kong Kowloon East
4
香港新界將軍澳唐德街3號(港鐡將軍澳站C出口)
3983 0328
關於香港九龍東皇冠假日酒店

位於港鐵將軍澳站上蓋,擁有全港最大宴會廳之一及獨特的圓形露天證婚花園「姻園」。致力為追求完美的新人全方位,締造一場夢寐以求、畢生難忘的婚禮,為摯愛親朋帶來全新的甜蜜驚喜。無柱宴會廳可筵開72席婚宴,全廳樓高6.75米,面積超過10,000平方呎,高貴裝潢盡顯豪華氣派,設有高清LED背景牆;連接偌大的露天平台及迎賓區,專為新娘而設的獨立新娘房,房內設有洗手間、電腦匙卡及直播宴會廳的平板電視,新人與賓客同樣能感受無上尊貴。讓新人在藍天白雲下締結婚約,以青山綠草作見證,舉行一場浪漫動人的證婚典禮。「姻園」自成一角,宛如都市中的綠洲,清新氣息瀰漫。

中式婚宴
西式婚宴
證婚典禮
套餐詳情
西式自助餐
皇冠午宴婚禮
HK$ 750 (每位)-西式自助餐
皇冠婚宴套餐
HK$ 15,688 (每席) - 中式套餐
最新評論
整體滿意度
4
過濾評語:
sms06214
4.5
精選評論
服務 / 婚宴日期: 2018.12.23      

我地揀Crowne Plaza一個好主要嘅原因係近😜,因為男家同女家都係住將軍澳區。而且我地都預計到Big Day當日都會好攰,同埋可能會有甩漏,咁去近啲就算漏咗野,返屋企攞都唔算遠,都會方便D。第二個主因就係我之前其他朋友都喺Crowne Plaza擺過酒,我食過佢地D嘢,個impression都幾滿意,同埋D嘢都幾好食。當然我地都有再比較下其他,但係屋企人都想我地喺酒店擺,九龍區其實就真係唔係太多選擇。亦都可能係我地遲咗D開始問場地,港島都唔算話有好多價錢都ok嘅酒店有位。



我地係12月23擺酒,而我大概1月左右就send email問,因為我地都唔想去婚展到度問,覺得去到婚展一定會有好多人sell你,所以我就漁翁撒網咁send,佢地都覆得好快。我地好快約咗出嚟開第一次會,我就帶埋一對結咗婚嘅朋友四個人一齊去,佢都解答到哂我D問題,同埋俾到信心我地,D答案都係好comprehensive,所以就決定咗喺Crowne Plaza度擺。



Big day當日,我地本身係book埋下晝戶外證婚,點知好唔好彩嗰日就落雨......早上佢已經打俾我問會唔會擺室內,又幫我聯絡哂decoration,好快settle到,最後都係做得好好。不過如果佢地可以早D講埋個contingency plan俾我地聽就更好,因為嗰朝早我地收完電話真係成朝都好驚,唔知會安排成點。另外,因為本身我都鍾意飲酒,就無要到candy corner,自己搵咗個vendor整咗個cocktail corner🍸🍷。個cocktail corner要有架車運入去ballroom,我都知佢地係無試過咁安排,都有D破例咁幫我地,所以我地都好滿意~至於D嘢食,客人都滿意👍🏻。

閱讀更多
酒店
hkamy
4
精選評論
服務 / 婚宴日期: 2018.11.11      

我地想要有outdoor嘅證婚場地同埋都想係新界,所以本身都唔係話有好多選擇。我地都有比較過四五間,唔算好多,最後主要都係睇大學Hyatt同Crowne Plaza。我地本身就好鍾意Crowne Plaza個花園,上網又見到佢地D評語都幾好,比較過服務同價錢之後始終都係覺得佢地好D,就揀咗佢地。



佢地好好,傾完會send返thank you letter俾我地,同埋每次response都好快。開完會又會send返D details俾我地,好清楚!



證婚之前都有見到個sales team嘅同事好主動好盡力咁跟唔同嘢,同埋跟我嗰個姐姐都係好有禮貌,又會教我一陣要點樣行、要點樣做。同埋知我緊張,都會安慰我同埋鼓勵我。佢地一早都教哂我地點樣放D file(影片同埋歌個D),但係我自己有D混亂,所以佢地當時就唔好搵到喺邊。佢地同事見到咁都無話求其播,有去問返D兄弟再問我係想點樣播,好認真。唯一就係本身我地有袋回禮放咗喺佢地度,但係佢地就漏咗無攞出嚟,不過都唔大問題嘅。之後都有聽到賓客D feedback,話D frontline同事服務好,嘢食好食,同埋個場地好靚~

閱讀更多
酒店
最新優惠
聯絡商戶