我自己本身喺酒店做，都係幫人做wedding嗰邊，所以都接觸到唔少籌備婚禮嘅客人。我見到公司都好多客人搵Grand Forest做deco，根據我自己觀察都發現佢地無論set場，裝置質素同師傅嘅standard都係最維持到，相比之下有好多其他公司嘅質素都比較參差，有時見啲客人都真係會唔滿意。因為我自己親身見過D客人用grand forest，所以我自己結婚嘅時候諗都無諗就已經搵左佢地~！ 我地要做deco嘅位都唔少，有戶外證婚場地、ballroom外嘅一個foreyard、同埋ballroom入面嘅mainstage。因為我地都擺成四十幾圍，驚到時未必個個都影到相，所以就想foreyard個度可以有啲設計俾大家影下相，又想有啲個人特色。戶外證婚場地就想比較大自然風格，有草地。而Ballroom就想要有華麗嘅感覺，grand啲。Grand Forest都好好，有盡量都配合我地要求。佢地都好願意聽我地意見，了解我地想要啲咩。First meeting後我地都keep住係whatsapp group到有溝通，我搵到啲中意嘅野都會send俾佢地睇，佢地都真係好有耐性咁聽，亦會盡量跟我地嘅諗法去做。有時我地做客人嘅可能會講到好天馬行空，佢地都會好清楚咁講實際嘅limitation，或者解釋做完出尼可能效果會唔好，然後再俾返啲suggestion我地，都open被我地去選擇。有時如果佢地啲圖可以改得更快就更好，因為我地都好心急想睇到個效果，但係基本上我地傾好嘅所有野佢地都做得到！ 而最後有啲位係我地expectation之外～！我問酒店攞左張枱放一啲懷舊零食，之後都有問佢地會唔會有D岩嘅擺設可以裝飾吓，其實呢樣都唔係佢地工作範圍之內，唔係我地一早傾好嘅設計項目，但佢地都答實我會幫我處理吓。最後佢地幫我地搵左好多中式deco擺得好靚，尼個都係我地意料之外！另外佢地都真係好細心，我係影相嘅位擺左張摺枱同兩張膠凳，佢地知道我地有呢個設計又帶多一set俾我地用，我地都好欣賞佢地真係喺能力範圍以內盡力去幫我地！所有裝置同配件都同design一樣，有啲甚至係實物比design圖更靚。整體我地都好滿意，整出尼嘅都真係up to standard。

呢個係酒店場地介紹既，非常好，做到我想要既效果！好多好多朋友都話正，著咩衫上去影相都靚。 我整左一個大backdrop，佢地仲幫我extend左塊backdrop用嚟遮住個場本身塊鏡，另外我想做天空既感覺，係粉藍色，又幫我地做左個焗光，有我同我先生個名！放reception d decoration都好多款揀，好靚好新淨！