8度海逸酒店
Harbour Plaza 8 Degrees
5
土瓜灣九龍城道199號
2126 1972
中式婚宴
西式婚宴
證婚典禮
場地類型:
中式婚宴
西式婚宴
證婚典禮
場地類型:
最新評論
整體滿意度
5
過濾評語:
rayshirley
5
精選評論
服務 / 婚宴日期: 2017.05.21      
我地擺酒圍數少,咁啱海逸有個ballroom幾靚,又無柱,價錢又相宜,雖然地理位置比較偏,但都唔係話太大問題,所以就揀咗呢度擺。

接洽我既sale態度都幾好,我地關係都唔錯,婚禮嗰日我仲同佢一齊影相!而呢度啲食物質素都ok,雖然嗰日我自己無乜點食,不過朋友都話好食!另外,佢個度仲有成塊水晶燈~幾靚架!而埋單嘅時候,酒店都肯方便我地,俾我地分幾張卡碌。
閱讀更多
Funny Bride
5
精選評論
服務 / 婚宴日期: 2014.06.19      
揀呢度嘅原因係因為我地只擺十圍,如果係其它場地,好多時會係個大廳間個位,我地唔太喜歡。因為想自己獨立一個地方,於是就揀左呢度嘅細場。 同埋咁岩酒店有自己搞expo,我同我老公唔太格價,見ok就俾錢。

本身book酒席係跟左一晚酒店房,後尾多左一晚,所以total兩晚,超方便,姊妹接完新娘仲可以走上去瞓覺。

八度海逸嘅先天不足係樓底矮,不過都冇辦法,起出黎就係咁。但果度其實好靚,天花板又有水晶燈,而且因為個場細,大家會close啲,個感覺都幾窩心同熱鬧。

我去過咁多間酒店飲,朗豪、半島果啲其實幾一般,但八度海逸嘅菜係有心思,野食又好味。佢啲菜式幾特別,例如蟹鉗係芝心、炒飯又有蔥花同蝦,唔係茶餐廳果啲瑤柱蛋白,出面食到嘅普通野,會特別少少。而且唔似美心果啲雖然有N咁多個menu揀,而事實上個個都冇乜分別。有一枱係專俾小朋友坐嘅,可以嗌pizza、雞翼、意粉果啲。啲野食係樓下cafe整,聽人講果度嘅buffet好好味,小朋友唔食大人野反而仲食得開心。

呢間酒店嘅wedding planner Amanda Kwok 服務好好同幾細心,好多野都會幫我地做,我地好多要求都滿足到。出面有啲可能會覺得煩而唔做,但佢就冇。而且當日有個睇場嘅經理會跟住成個wedding,燈花音響都幾正常,可能細場唔會有太多特別要求。

其實呢個價錢黎講真係超平,包酒水又冇加一,野食又好味,只不過係地方有啲隔涉,不過我相信係地鐵站開通之前都會繼續咁平。佢會包走果程嘅shuttle bus,但賓客過黎就要搭的士或者揸車,酒店只係安排左三個車位,其他要泊附近停車場。 閱讀更多
聯絡資料
2126 1972
catering@hp8dcatering.com
最新優惠
聯絡商戶