（好彩海鮮酒家－尖沙咀店）呢間價錢除左平，個場有得比你揀點間，佢一間就間左一大半比我地，所有賓客都會係正門入。佢又有個大海景，無最低消費。一book左佢，就有幾個manager serve你，然後一個月前比到訂就得。Big day 個日，有個姐姐跟住我負責整裙，扶我上台。Ｄ食物都好食，唔太濃味！個環境都幾乾淨，碗碟都係無崩無爛！

（彩晶軒－尖沙咀店）我係喺彩晶軒擺酒，當時都係喺尖東嗰邊周圍行，成個尖沙咀都睇哂，本身都想揀北京道一號，但都驚嗰日十二月三十一會封路，而長輩都希望揀番酒樓，彩晶軒嗰陣都啱啱裝修完，都幾新淨同埋新娘房都大，個場係冇柱，我有四十圍佢都俾我包場俾哂兩間房我。 擺酒當日我都好少接觸啲staff，唯一就係敬酒嗰陣個經理喺我前面帶住我行，佢哋服務都okay，啲食物都幾好。唯一一樣可以再做好啲就係個台可以整靚少少，佢本身係就咁拉布，我哋自己再買咗啲decoration。