我喺婚展買，㨂奇華喺因為佢哋嘅迷你包裝幾靚，感覺冇榮華咁娘。服務態度OK，因為佢哋係婚展嘅counter都係等收錢，唔似攝影公司嗰啲緊收佣會好著緊生意，當然亦都唔會差。

奇華有得揀西餅定唐餅，最後買左唐餅卡。我係長沙灣旗鑑店買嘅，個人叫yennie，心地好好。因為佢知你結婚，同埋佢對啲客好熱心，會講返每款嘅餅卡可以有咩組合，應該點揀等等，佢提完我我先知可以買幾款餅卡。佢又有講多少少，呢段時間買買夠幾多錢會有啲咩優惠，之後返黎又可以換返啲乜野，不過呢啲要睇到時點。佢每個月都會有啲quota係有discount，所以佢一有淨就會俾我。本身大概$68一張，仲有幾款七十幾蚊同九十幾蚊嘅卡。例如一般朋友或者同年紀嘅就送＄68，長輩啊、食多啲餅嘅會俾貴啲。最後買左成一萬蚊，因為請唔到太多人黎飲，所以就送餅卡俾佢地。