其實因為冇人鍾意食，但係偏偏姑媽話要食，所以買左10張。

真係覺得奇華Pro啲，包裝靚而且啲餅真係做得好食。以前收過佢地啲餅卡，試過佢地啲餅都對佢地有信心。而且佢地分店夠多，送俾人都會換得方便。其實中式餅都唔係好多有得揀，一係奇華，唔係就係榮華。其實去到婚紗展見到咁多間，榮華個攤位同啲餅既包裝都唔覺得得體，choice款式同餅既組合都唔見得多。反觀奇華真係好多款，有mini又有大既；款式packing要好大既又有，細盒啲又有，中等得嚟要多少少又有，唔同價格幾豪都有。 我就買咗佢地中間＄80幾蚊嗰隻，有8折，＄68蚊左右。响婚紗展真係條龍太長，人山人海，問多句都唔耐煩，但係响舖到攞餅態度就好好，好pro。因為我有一批餅係過大禮用既，我地有打去約要幾時攞，到既時候話攞餅已經講得出我媽咪個名，就知道佢地真係上心做嘢既。好喇，過大禮後我地開咗盒餅食，個個親戚都大讚啲餅好新鮮，尤其係皮蛋酥，個個食到 Lam Lam 嘴，因為食得出真係新鮮做既！