我心目中想搵件長袖款嘅婚妙，估唔到咁難搵啱，真係睇咗成十幾間都未搵到間好啱心意。後來再喺fb睇咗呢間，就覺得佢哋長袖多Ｄ款幾好喎！我最後就揀咗件中袖A-Line款，Ａ字型款，另外仲有件短袖高領紅色敬酒裙，鐘意佢有Ｄ中西合璧feel。其實原本試嗰陣佢哋話唔俾影相，但我哋話想影俾屋企人睇睇，佢哋之後又俾，所以都算幾好。而且佢哋唔會hard sell，俾Ｄ意見都幾中肯！唯一係舖頭比較隔涉Ｄ，有Ｄ難搵！

因為我比較遲結婚，好多朋友已經有哂經驗，所以婚紗店都唔難揀，都係朋友去用過，介紹我去Kir Royal。朋友話佢哋啲衫比較靚，啲design比較特別，同埋價格都適中，同埋冇咁多額外charges。出面聽聞都有好多附加費，又話限時試幾多件一次，試多件又要加幾百蚊，佢哋就冇乜呢個限制，俾我彈性去試。 其實我都算容易搵到我想要嘅衫，如果想試啲特別啲嘅款佢都會有，佢都會拎俾我試。佢啲頭飾都會有比較特別啲嘅款式襯返某啲衫。我揀咗三套婚紗，兩件晚裝，一套褂。到拎衫嗰日整體都企理，我臨攞衫嘅時候都仲有得final fit繼續改。通常big day前一個星期都會final fit，到你攞衫時就攞衫；但我攞衫之前係有得再試，再可以minor調較。啲長度通常冇乜問題，但最後一星期通常會「衝刺」，可能有少少變動。唔太大嘅改動佢都會幫你，你坐喺度等一陣就ok。 佢哋有時生意好，難book啲時間去試，不過都冇辦法，我寧願等都唔想揀間拍烏蠅嘅舖頭。因為有時放工時間比較難約，可能預咗要請假去試。同埋佢係一個staff serve開嗰個客，每一次都係搵佢。佢同一個時間唔會serve緊幾個客，所以如果你上到去，對上嗰個未搞掂就要等一陣。