揀Kir Royal之前，我有去另外一間試婚紗，但佢哋個態度係「你都唔啱就唔好試咁多款啦」，令我感覺唔係太好。依加好多店都係想你淨係免費試一兩件，我只係想多啲時間諗下，但佢哋就咩意見都冇俾我，到我話考慮下先嘅時候，佢就話我可以試下另外某啲款，「但不過我哋鋪頭就唔會有嘅」。 我即日去咗Kir Royal試，比較之下Kir Royal真係好太多，所以試完就即刻落咗訂！我可以免費試三件，我一早上網睇咗款同佢講咗想試邊幾件，去到佢已經可以即刻拎俾我。試完第一件之後，發現自己原來唔想要呢啲款式，同佢講返之後，佢可以俾我轉，又搵咗件差唔多款，但又有啲唔同嘅款俾我，因為服務實在好過之前嗰間好多，所以基本上我試完第二件婚紗就已經決定咗係呢到租。 另外，服務我嘅同事叫Rebecca，跟開我就一直跟落去，同埋有樣好好嘅地方係，佢一有類似新款佢就會通知我，話留咗俾我試，叫我上去試衫同埋睇下洗唔洗轉款。 有少少美中不足嘅，係本身我妹妹揀好咗條裙，但到final fit嘅時候佢哋同我講，話因為條裙洗完之後隻色唔同咗，由米色變咗淺粉紅色，叫我睇下洗唔洗轉款定照keep，唔洗額外收費。因為真喺本身覺得嗰件好靚先揀，但因為顏色上真喺有落差，所以就被逼轉咗款，而我妹妹就有啲唔開心。 不過，bigday之後幾日Rebecca有問我當日順唔順利，其實完咗成個銷售過程都有問返我感受點，真係覺得幾窩心！佢問我介唔介意send返啲相佢哋睇，於是我亦有俾返啲相佢睇。

因為我周圍都搵唔到想要嘅婚紗，咁啱Kir royal有類似嘅款，但我就想轉返做長袖。解釋完我嘅諗法俾佢聽之後，佢就話要考慮訂造，如果造完自己拎走就萬二蚊，而造完之後俾佢擺喺店租借就要七八千蚊。我見個價錢差唔多，所以就決定拎埋返屋企，同埋因為我先生套衫都喺訂造，所以我哋兩個嘅婚紗西裝都可以留喺屋企。不過，後尾聽其他人講訂造個價可以平啲，不過間店喺中環，我都明價錢會比較貴。 服務方面，每次都喺我自己催或者直接上間鋪話想試，佢先肯俾我試身。因為我覺得始終喺自己訂造嘅婚紗，想條裙fit啲，但佢哋成日話遲啲再試都冇問題。最尾total試咗三次，第一次度，第二次改fit，第三次就拎埋婚紗走。其實我覺得第二次改完嘅話應該會有好多嘢唔同咗，唔喺好大信心佢改完會同我expect嘅喺一模一樣，而且第一次造完件衫嗰陣已經好多嘢要改，當時我suppose要試多好多次先會fit，估唔到最尾淨喺試得三次，仲要其實只喺fit咗一次，不過好彩最尾條裙都好fit！