我哋係行完婚展之後決定喺九龍香格里拉擺嘅，因為staff服務態度好好，同佢哋傾計都好舒服，睇得出佢哋好著緊客人嘅情況☺️。我哋平時都會同屋企人去香宮嗰度食飯，覺得啲嘢食幾好，所以婚宴當晚都係由總廚幫我哋安排嘢食，餐飲都準備得好好。總廚喺婚禮最後都有特登出嚟多謝我哋同問返我哋啲嘢，經理vicky都全程幫我哋安排得好好，可以睇得出佢哋嘅服務態度非常盡責，所以我哋都唔需要去擔心有咩甩漏。我哋仲有book佢哋嘅總統套房用嚟接新娘，環境都好靚，影出嚟嘅相同video都非常好👍🏻。

因為我地擺嘅圍數少，唔係到到都有，咁啱酒店可以畀到個圍數同日子ok，所以就揀左。

香格里拉雖然舊少少，但酒店入面都好靚。仲送左一晚住宿畀我地，我地自己又book左一晚，房間都好大，但都係有啲啲舊，不過都ok嘅。

職員服務好好，個sales Cynthia有時好似cool啲，但整體都好ok，個部長都好好。酒店除左舊左啲，整體都好ok，譬如話我有啲圍數13位，有啲10位，起初我問佢可唔可以加位，佢都話要加錢嘅，不過後尾拉番匀條數，佢地都冇計到，呢樣我覺得好貼心。😌