我地嗰時行婚展，覺得同個負責人幾啱傾，又唔會好chur，所以就搵咗佢哋。其實我地直頭落埋訂先睇相，因為負責人同攝影師態度真係好好！而且我地初初預備婚禮時，對結婚流程唔熟悉，佢哋明明只係幫我哋影婚紗相，都好仔細咁逐樣同我地講，好似wedding planner咁！ 婚紗相我地去咗日本京都、奈良，影咗兩日。中間流程都好smooth，佢地又好盡責，化妝都好自然，唔會話化完之後唔認得～u3000最印象深刻係我地去到水土不服，佢哋連藥都幫我地買埋！而且佢哋仲買埋鮮花俾我哋影相用，真係好有心！我哋仲記得影相嗰日落雨，佢哋都無話怕我哋整污糟佢哋啲衫，叫我哋扔地都唔介意，唔使就住，所以影相個日好自然咁就過咗一日，真係好滿意～ 返到黎揀相都比足時間我地～～就算影相當日明明係落雨，但佢哋執到啲相好夠光，效果好好，真係覺得呢間公司好完美！！值得大大推廣！

我pre wedding影相都係搵佢哋，其實佢哋唔係做開婚紗租借，但佢哋都有好多款比我試，不論係心形領、一字、背心款，乜得有得試，又無限我要試幾耐，fitting都改咗３－４次。就算有啲衫佢哋嗰度無，都會幫我地周圍搵下，兄弟衫都幫我地訂埋，仲攞埋貨，勁誇張！衫既質素都好好，好乾淨，唔會好似好舊咁。同佢哋合作咗近一年，中間都久唔久會上去佢哋舖頭，我發現佢哋啲衫應該都係一直有返新款，所以真係好好～～其實連律師都係佢哋介紹嘅～哈哈！差不多一次過幫我哋搞掂晒～俾我哋搞到佢哋變咗一條龍！真係唔該晒佢哋！啱晒我哋呢啲懶人～