我有親戚係呢間擺過酒，自己都覺得唔錯，所以就揀咗。同我地商量既Yuki態度都幾好，幾溫柔！佢個場地我都幾滿意，樓底夠高，窗出面又望到油尖旺區既景色🤓，都唔錯，如果個場可以再大少少就更加好。同埋酒店黎講呢間算抵。佢個場係L型設計，轉角個個位擺到四圍，但係個四圍就有少少自成一角既感覺。當晚就有一個助手全程跟住我幫我斟茶遞水，執頭執尾個啲，服務都好唔錯同幾周到，所有staffs都訓練有素。我老公就負責同安排rundown既staffs溝通既，咁佢都話啲staffs好盡責，一開頭都會交代晒當晚既安排俾我地知，所以嗰晚都好順利。嗰晚我就無食到啲野，但係啲賓客同我講返啲野食都幾好味，尤其個蟹蓋味道唔錯。呢間酒店對上一次翻新已經係十年前，所以就殘舊少少。同埋我擺咗十八圍左右都有少少逼。仲有電視機可以再大啲就好喇。但係整體staffs既服務同態度都好好👍🏼

揀佢地係因為地點方便，就返啲老人家，而且我地問嗰時咁啱又有場。 場地方面都幾好，我地擺咗12圍。新娘房幾大，個foyer都幾大，嘢食都真係好好食。 而且有package包埋一晚酒店，環境都ok～～～～