我揀四季薈係因為佢地場地設計好似帳幕咁，睇場個陣配埋個燈光我覺得好靚好有感覺💕，加上新娘房夠大,所以就決定揀呢度。但有個既缺點就係場地係要行樓梯先去到，所以老人家上落會無咁方便。當日本身我地可以係草地證婚，但唔好彩落雨，最後都要係grand hall入面證婚。不過啲同事好幫得手，成個流程幫左我地好多，同我地講解得好清楚。同埋四季薈本身包既場地佈置已經好唔錯，係我自己想要特別主題先再搵deco，特別推介佢地既雪糕bar同糖果bar。食物質素方面，我自己就食得好少，但聽返親戚朋友講，食物都好味、夠熱同夠飽😋。最低消費18圍，我地擺左21圍都好夠位，我地另外安排左雪糕bar同飲品bar都唔會逼。同埋因為我地租夠圍數，所以佢地開放埋場地出面既梳化位俾我地出去坐同影相👍🏼

我婚禮其實都搞得幾急，所以我都唔係話睇咗好多間。不過我覺得呢間個場地靚，有啲草地feel，所以我好鍾意，加上佢一條龍，我地咩都唔洗煩。而且地點又近我啲親戚朋友，所以最後就鎖定呢間。

因為我搞得好急，所以一條龍嘅安排就好方便，而且啲野都好靚，唔洗每一樣野都自己去搵。我係佢哋嗰度擺酒、同埋影結婚相，仲用佢哋嘅化妝師、攝影師。我唯一無用到嘅係佢哋嘅婚紗。我覺得佢哋啲婚紗款可以多啲同埋新啲嘅話就會好啲喇！嗰度既工作人員都好細心，好care好多嘢，例如會幫我整下裙，留意吓我嘅造型靚唔靚。