呢間公司係婚展搵嘅，當時覺得佢地嘅場地好吸引：佢外型係白色嘅，好簡約，而且佢分別有室內同室外嘅場地，可以隨住天氣嘅變化轉內定外，交通都好方便。因為我地想要cocktail招呼朋友，所以冇考慮酒樓。佢嘅價錢都合適，佢仲有個合作嘅live band，係婚展果日都有被佢嘅音樂吸引，不過佢嘅package唔包，要額外加錢。 佢有個consultant，follow得好好，一直都有提點。結婚之前兩個月一直有用whatsapp溝通，所以follow得好好。朋友當日食都覺得好好食。 佢都有啲基本嘅佈置都好靚，同一開始落訂、睇場嘅時候都一樣。但因為我希望有啲個人化嘅佈置，所以我自己係deco方面都有準備少少，佢地都有幫手。 有個男仔叫Jimmy，佢好有交帶，交低俾佢做嘅野佢都有做哂，每次都有即時答覆。