我揀場哋佈置嘅時候最主要係睇邊間佈置公司有做過我擺酒個場，咁我見到呢間做過好多次，而且佢哋都做好多我先生喜歡嘅中式佈置，所以最後就揀咗佢地。 揀中式佈置係因為我先生喜歡，其本最初我想揀西式，佢地都比好多意見我地，令到我地清晰咗好多。我本身好擔心中式佈置做出嚟個效果好老套，但佢哋都做到好Modern Chinese嘅感覺，出嚟效果都同本身嘅draft有九成一樣。當日我哋有set花場，賓客都好稱讚佢哋既花做得好真，所以呢方面都幾滿意。 另外，佢哋亦幫我哋做埋現場直播服務，因為本身場地有LED wall，我都好煩惱要唔要搵其他公司做現場直播，但其他公司都覺得比較難，所以最後我就搵返佢哋做。

我哋搵咗Simply Grand做decoration，佢哋以往都有做開Four Seasons，做出嚟啲嘢好靚。 個老闆Masie好attentive，所有嘢都跟得好足，我要求佢做嘅佢都做到，可能佢都比較忙，我問佢嘢可能要耐啲先答到，不過最後佢當然好盡力咁跟，同埋一定會記得我想要嘅嘢。Masie本身做嘢好快，不過佢啲staff可能要跟番佢覆嘢嘅speed。我哋個stage後來轉咗第二個款，我話啲色唔啱佢都會幫我轉，好開心當晚出到嚟效果真係好靚！