佢地既佈置係行清新既風格。我覺得啲staffs態度都唔錯，會配合我意見。首先佢地會俾啲圖我揀款，我揀好之後佢地就會話俾我聽，我個個場地可以放幾多花柱...等等，即係佢地會俾我好多專業意見👍🏻👍🏻尤其係Thomas。

同埋都好多款揀，當日我都好滿意個效果。我本身唔係咁鍾意煌府個個臺既設計，但係呢間公司可以幫我美化到成個臺唔同左樣，幫我整左個架遮住我唔想要既顏色😆👏🏻👏🏻👏🏻👏🏻同埋證婚枱既佈置我都好滿意。但係呢間價錢就偏貴，如果可以平啲就更加好喇，除此之外都好滿意😊

見到Sweet Wedding Decoration 價錢幾平，因為我哋擺酒擺晏晝，覺得唔需要花太多錢喺場地佈置上，好快就拆，價錢唔過一萬已經OK！一開始我哋傾嗰個咁啱係老細，覺得佢答我哋嘅嘢好肯定，話佢哋兩個鐘內可以搭好個場。不過可能老細比較忙，有時同佢同事講咗話會傳達比老細知，都要我哋再打多次搵佢本人confirm 😊 最重要係四點鐘散場時一定要清曬所有嘢，時間緊迫，老細話如果我哋驚嘅話，佢可以叫同事三點三喺場外stand by，一完場就即刻入去清場，最後當日好快搞掂交到場！我想要嘅設計基本上佢哋都比到我，不過如果想要高質啲嘅，就真係要加錢，喺我哋冇加錢嘅情況下都出到咁嘅效果，都幾滿意！