Sweet Wedding係朋友介紹。我哋個婚禮係由Michelle跟，佢真係跟得好貼同真係細心到不得了！佢除咗滿足我一開始同佢講咗嘅要求外，仲額外做咗好多嘢。佢會去做咗好多research睇吓點樣做會靚啲，又主動offer一啲設計唔係我哋要求嘅。因為我哋會whatsapp聯絡，有次我見佢半夜仲message我，幫我諗緊個decoration可以點整，真係超級有心。 到Big day當日，佢又好早就到現場，仲帶咗好多個人嚟幫手佈置。好多嘢佢哋都主動去做，例如覺得花束唔夠就幫我添置埋。設計方面，喺入口簽名位置做咗草園風格，入到裡面就配合返係綠色型格路線。佢仲特登幫我哋做咗塊地毯喺有我哋嘅全名同結婚日期，係完全tailor made，無得喺其他場度翻用！我真係非常滿意佢哋嘅佈置，啲賓客睇完仲以為我做design添！

場地佈置我搵咗Sweet Wedding，佢最吸引我就係個價錢，同埋in charge嗰個人又係好好，嗰時同佢傾我都未決定嘅。佢就問我鐘意啲咩，我就話我都唔知，就係唔鐘意窗簾布，佢就話printing就貴因為係逐尺計，我呢樣又唔鐘意嗰樣又唔鐘意，簡單啲嘅又覺得好寡，我都覺得自己好煩。後尾我都睇咗數以千計嘅相，最後就揀咗花花牆，就冇咁煩啦全部都係花就唔洗諗係咩款啦！ 我係婚禮半年前book嘅，佢就約咗三個月前真係同你傾。我兩邊本身係窗簾布就唔洗加錢嘅，後尾睇睇吓又唔想喎，轉咗啲printing嘅foam board。佢都俾好多意見我，跟住就揀咗，真係好靚好靚，雖然要加錢不過都合理。我喺其他Facebook問吓一個package可能已經要兩萬蚊，花牆又要加七千，因為Mira個場係大，要逐尺計，佢就話呢個場係大所以又要加幾千，但係呢間turn out就係萬五蚊埋單。佢地服務態度都好好，好有耐性。不過，有啲溝通嘅位真係需要改善，例如佢話佢聯絡咗Mira個backdrop係點點點，我同番個sales講佢就話：「吓？佢冇搵過我喎！」原來Mira就裝咗個LED wall，我整個花牆佢都有厚度，就要攞個架表起佢，咁樣突出嚟就會遮咗Mira一個screen，個screen唔可以喺個頂跌落嚟，Mira就話會俾個portable嘅screen我係同一個size嘅，佢好後期同我講我唔滿意都冇得出聲架喇。我都有少少唔鐘意，但我揀咗個咁嘅backdrop，咁呢個係佢硬件上配合唔到就冇辦法啦。佢就話同咗Mira講：「唔洗portable啦！個backdrop塞咗落去總之都落到嚟嘅！」我同番個sales講佢就話佢冇搵過佢，我諗佢搵嗰個又唔係我嗰個咁樣啦。最後我都唔記得係點，但係當日個screen係用得嘅，但係中間呢個又話有搵佢嗰個又話冇。整唔到個screen俾番個portable又okay嘅。 不過，總括嚟講佢地都好有交帶。