因為佢可以前一日拎花球，所以我就搵咗佢哋做花球。好多花店都話只可以即日拎，但我覺得當日太多嘢做，所以就唔太想，因為我咁啱問佢哋知唔知有邊到嘅花店可以前一日拎花球，佢哋就話佢哋可以，於是就揀左佢哋了。 我一早已經諗好咗用咩花做花球，所以就唔難揀，同佢講返我想要玫瑰，之前佢俾咗啲款我揀，我一望：OK喎！好簡單咁就揀左。 最後嘅花球又新鮮又靚，過咗成日都冇爛到，仲插住喺屋企擺咗兩日！

Sweet Wedding有個姐姐叫阿May，因為我哋有兩個場要佈置，佢俾咗好多意見我哋幫手做得化算啲，例如話名牌唔洗做兩個，可以一個名牌應用喺兩個場，又提我哋點樣keep好名牌叫兄弟拎過去，幫我哋慳咗一筆！而且佢哋喺個場未交俾我嘅時候已經到咗，set場個時間比我想像中快手，所以時間好足夠，令所有嘢都可以準時開始，又不時幫我同場地職員溝通，真係好幫到手。 本身我哋都冇idea應該點樣佈置，所以靠佢哋俾相guide住我哋搵，例如我哋鐘意簡單嘅顏色，佢就會俾啲圖睇下啱唔啱我哋心水。因為我哋擺酒個場喺美心，其實幾難整，佢提醒我哋某啲款用喺大場會唔好睇，最後個backdrop好大，全部都喺花，同效果圖一樣，冇走到樣，而且兩個場都有賓客讚backdrop靚，所以我諗效果都幾好！