化妝師真係超好人，本身佢幫我化完就可以去食飯休息下, 但係佢好堅持要睇埋我進場，我上台講嘢講到喊曬，佢飯都唔食即刻幫我補妝😭😭

另外, 佢預備十分充足, 之前都會問定我想要咩妝容同髮型！因為我就自己就鍾意簡約嘅妝容，佢都可以做到個妝唔會濃得黎又突顯到我嘅優點😙我可能某一邊面肥少少就會幫我打多少少陰影！

我係上網喺Facebook度睇過The Artist，跟住我地去婚紗展時見到就再去了解吓，覺得佢地服務態度好好，成件事都超出我所預期。我上去試妝嗰陣其實覺得佢係中上，唔算話超級好，但我都決定落訂，因為佢booking都好full ，而且我結婚嗰日都係好旺，所以book到已經好開心。Big day當日，佢化到我好靚好elegant，係我想要嘅嘢，同埋好多細節佢都顧及到，好細心～而且價錢都非常合理。