一開始留意到Holiday Inn係聽朋友講同上網search到嘅，覺得佢哋個幾靚，無柱嘅，因為我擺嘅圍數唔多，佢哋嘅minimum charge就啱晒我嘅要求，所以最後就揀咗喺佢哋嗰度擺夜晚嘅中式wedding啦😆。我一開始係send email同佢哋聯絡嘅，之後就約睇個場再聽佢報價，員工解釋得好清晰，用埋ipad俾我哋睇成個flow，又同我哋講埋要準備啲咩，唔會好hard sell咁。

最貼心嘅係成個過程好多嘢佢哋會幫我搞掂，相同歌嗰啲原本佢哋有要求某個格式嘅，但我整唔到，佢哋都幫我整埋，又幫我編埋位，做咗半個wedding planner咁。圍數嗰度佢哋無要求我一定要擺幾多圍，可以好彈性咁幫我安排。

Big day嗰日有個assistant會全程跟住我嘅，佢都好貼心，會喺我後面配合我，知道我想點，咁我就完全唔洗擔心啦。場地方面，原本我淨係book B同C廳，但因為A廳無人book，佢哋就俾晒成個場我，所以個場都好大，完全唔會迫狹。佢哋又有幫我佈置，candy corner嗰啲擺返中間。最後賓客都有讚個場好grand好靚，雖然Holiday Inn嘅門口有啲舊，但係估唔到佢哋嘅ball room會咁靚😍。

嘢食賓客都話好好食，尤其係隻乳豬，佢哋去其他地方飲過比較過，都話Holiday Inn嘅嘢係最好食嘅。當晚我喺嗰度住多晚嘅，佢哋都會考慮到可能我哋無乜時間食嘢，pack咗每款一盒嘅嘢食上房俾我哋食。成個wedding我真係好滿意🥰親戚朋友都好鍾意，我有啲同事飲到醉咗喺張檯嘔，啲員工都一樣好好service。

我都已經介紹咗Holiday Inn俾好多人啦，佢哋真係物超所值啊，想擺比較少圍數嘅新人就會比較適合佢哋啦，但係可能因為我嗰陣係開全場先會咁大，正常情況都係會間半場咁嘅，都要留意返呢一點啦。

我哋係去Holiday Inn嘅開放日接觸到佢哋嘅，一開始就已經target咗想搵酒店，咁比較咗幾間都覺得佢哋嘅性價比最高，所以就揀咗佢哋啦👍🏻。一開始去傾嘅時候佢哋都解釋得好清楚，都唔會hard sell，confirm咗之後負責我哋嘅Stephaine都好好service，我哋問啲咩佢都答到，都會覆得好快，rundown同佈置方面都有俾到啲專業意見我哋😊。場地係無柱嘅樓底又高，我哋擺30圍都無問題。去到big day嗰日都有個assistant跟住我太太，我哋係咁要影相，佢都會周不時斟啲嘢飲俾我哋，又會pack埋嘢食俾我哋，都好貼心。Service manager Peter都好好，都好清楚成個rundown，因為我哋想早啲完場，佢都會提我哋幾時就要做啲咩，唔係就唔夠時間啦，都好彈性咁幫我哋安排好，都令到我好安心😊。佢哋仲送埋light food同包big day當晚嘅住宿，因為我哋當晚無咩食到嘢，咁佢哋都有room service準備好多嘢食俾我哋，都會照顧埋我哋飲宴之後嘅事，真係非常周到👍🏻。我覺得後生啲嘅新人就會適合佢哋啦，因為佢哋整體都幾young。