我哋揀The Mira就係因為靚同埋露天，配合番大自然主題，同埋主要都係方便。 當中籌備嘅過程都係我哋主動問同埋追，佢就唔會主動去幫我哋諗啲我哋諗唔到嘅嘢，其實我哋都希望佢哋會主動幫我哋，但係最後可能好多嘢都要我哋自己搞番。 到咗當日啲姊妹係換好哂衫自己嚟嘅，但係去到reception嘅時候就冇提供指示俾佢哋，佢哋要自己問先知喺邊到上去。 場地方面可能始終係temp staff，好似唔係咁熟手，例如有位賓客想要檸檬水，嗰位staff可能唔係太清楚所以就話冇檸檬而就咁俾咗杯熱水佢，但係其實buffet張枱係有嘅。

我揀Mira擺酒係因為俾佢哋婚展個booth吸引咗，個sales manager (Henry Law)好好，例如我送俾賓客嘅小禮物(macaron)佢都幫我包起哂，唔駛另外加錢。 當初我係2014年二月頭落訂，Mira係唯一一間可以in advance咁話俾我知係fix咗呢個價，唔會再額外加錢，咁樣令我budget嘅預計係好好多。 到咗big day就唔係Henry跟，佢pass咗俾另一位同事Eva，佢都係好好，基本上佢真係24/7，就算我十一點幾message佢佢都會即刻覆我，好prompt response，啲follow-up亦都好好。另外Mira照顧得我哋好周到，佢提供咗啲吹氣球嘅機，喺玩新郎嗰陣用，之後我太太所要求嘅佢都提供到。 聽番啲賓客講啲食物好好，但service就可以改善，可能始終係外判，員工質素有啲參差，比較難控制，有啲賓客反映就話啲食物有啲凍咗，我哋自己嗰碟係okay嘅。整體都算滿意！