我哋成個project都係由Karina由頭跟到落尾，佢真好幫到手，好多flexible嘢都係靠佢去幫我哋安排先做到。記得當時同佢傾，問可唔可以多一個地方嚟做candy corner，佢好快就話「好呀，我哋到時幫你哋放多張枱喺嗰度」。另一方面，因為我哋嘅證婚儀式係3點鐘舉行，我聽啲攝影師講一般都係5點鐘先俾到場，而且通常真係早一分鐘都唔俾，所以一開始佢話肯定可以3點俾我哋已經覺得好好。估唔到Karina佢仲同我哋講如果嗰朝個場地無人用，10點就可以俾場我哋。咁啱到我哋嗰朝早又真係10點就用得，真係好感謝佢。我哋可以早咗開始做佈置，啲時間充裕咗好多。跟住我哋因為會攞間酒店房嚟做「出門」，但我哋真係會有好多嘢，就問佢可唔可以俾多間房我哋。我哋都諗住如果無就自己訂一間房，但佢問完之後就幫我哋安排到多一間房，只係唔係套房嚟。點知我嗰日臨尾去到check in嗰時，佢哋竟然upgrade咗間套房俾我哋，啲嘢又唔使搬嚟搬去。同埋嗰時因為我屋企有事，原本11月嘅big day，我9月就通知佢哋要改到2016年1月，佢哋都無收我任何額外費用就安排好，連2016年更新咗價錢都無話要收返差價。所以我覺得Ritz Carlton嘅服務真係超級好又flexible，唔會好似其他酒店咁乜嘢都計到足！ 嗰晚啲賓客都感受到個service好夠，例如同佢哋講話少咗支叉都唔會好耐無人幫到你或者應完你之後唔記得咗嗰啲，真係非常好。拖裙妹妹又係超級好，我唔使出聲佢都會攞啲嘢俾我飲吓，會留心我幾時攰，照顧得好好。雖然Big day嗰晚我無乜食到嘢，但我之前試餐時試過晒全餐都覺得好好食。另外，夜晚因為包咗一晚酒店，佢哋都幫我哋預備咗啲食物。成晚啲音響各樣都無問題，真係超級滿意！

我表姐之前都喺Ritz Carlton擺酒，雖然之前睇過好多間，但我哋覺得佢哋個場幾好，而且因為我哋擺三十八圍，佢可以擺到咁多圍之餘，啲柱又唔會阻住哂個場，加上lighting好，唔會太暗唔會太光，所以決定喺Ritz Carlton擺。 Lucia負責同我哋傾嘢，態度唔錯，由頭跟到落尾。因為我本身有另外搵wedding planner，Lucia有keep住同佢溝通，幾有交帶。 Bigday當日有個staff會跟住我，佢好體貼，會睇清楚我條裙有冇問題，又會叫我食嘢同飲水，執頭執尾。但我老爺有少少投訴，覺得唔夠櫈，但我就唔太清楚，可能講緊外面地方。 大部分賓客都覺得呢個喺一個難忘嘅婚禮，well run, well planned，場地靚嘢食又好味！