我揀咗Club One西港城既，最大原因係佢個場本身係文化古蹟，我先生就好鍾意呢Ｄ地方，佢入面已經有一個好大既舞台，唔使點Decoration已經好靚，本來就有歷史味道，加上樓底高，我地又只係擺16圍，所有就寬鬆！佢個場其實係分2層，如果開多過20圍就比埋上層我，但係上層就係離個台比較遠，所以坐得遠的話就上面睇得無咁清楚！咁因為我經婚展book，本身有一個經理跟，點知2-3個月後我再問嘢發現原來轉咗個經理，但係無人通知我，好多嘢都要我自己問翻！我開頭擺個陣Ｄ朋友就話個場好暗Ｄ食物又差，但因為我先生鍾意所以就揀，Big Day個日Ｄ嘢食都中等啦，傳菜Ｄ姐姐都好好，又會有個姐姐陪我上落台，同埋會好細心做得足！但有Ｄ差係screen唔夠，得三個Screen，同埋無電視機，所以其實係有Ｄ位變咗死位睇唔到！

我哋好鍾意啲好懷舊嘅野，咁啱我哋兩個都曾經喺嗰度出席婚禮，而我哋兩個都好鍾意嗰個地方，所以好快就決定喺大舞台擺。 我覺得傾嘅時候都ok，唔會話好chur，冇迫我哋。我哋都有比較過嘅，因為club one都有其他場哋做promotion，我哋都有心大心細，後尾比較左一輪都決定維持原判。 我覺得佢哋嘅水準都係above average嘅，佢哋provide左好多service都係令我覺得意料之外，但可能佢哋真係太多生意，變左有時會有少少甩漏嘅情況。例如婚宴前一個禮拜佢試過將我同另一個客嘅菜單調轉左send俾我哋，令我有啲驚，後尾發現係虛驚一場。其實club one經理態度好好，但佢好似真係太多工作量，有啲分身不暇。 Big day當日各方面都ok，我好滿意有個專責照顧新娘嘅女仔，佢不斷幫我擺裙尾，亦都好好禮貌，進場嘅時候我同爸爸都好緊張，佢又會好耐心咁教我哋一陣要點，其實都好多謝嗰個女仔令我安心啲。場哋負責人祥仔都好努力配合我哋嘅走位呀，燈呀各樣野，份人又都幾搞笑。 場哋都好企理乾淨，我哋從賓客feedback都聽到係好開心，新娘房都舒服，食物質素都ok，整體都滿意！