我鐘意東海薈佢嘅地點夠晒就腳，同埋我第一次上去睇場就覺得夠大，放廿幾圍都唔會太逼，再加上喺嗰度可以望到維港，所以整體感覺唔錯！Big day個日Ｄ親戚朋友第一樣讚就係Ｄ食物好食同場地夠大，feedback個翅都幾好。另外，我有個guest係食素，佢都覺得東海薈Ｄ素整得幾好！服務態度都幾好，跟得足，又會有人扶我上落台同敬酒。仲有一樣值得一讚嘅係佢地個新娘房幾貼心，係長方形同埋可以中間拉廉分隔開，方便姊妹可以分批一啲換衫一啲化妝，同步進行節省唔少時間。