之前有朋友係錦發租過褂，價錢比較平，所以去左睇。好快我就已經決定揀呢間，因為姐姐俾我睇個套褂后幾新淨同啱我心水。套褂已經係八九手，所以只係租$2500，真係好抵😍。影相出黎依然係好閃，望落唔殘舊。個度既姐姐講嘢好直白，著得唔好睇既話佢會直接話唔好睇，唔會呃你，呢點要有定心理準備🤣不過佢地好肯幫手，我話想改窄啲，final fit既時候姐姐真係幫我改到好靚好合身👍🏼連化妝師都讚修得好，唔係間間都肯修埋裙腳。

我幾推薦錦發繡品公司。佢地既裙褂選擇都算多，褂后，大中小五福都齊。本來我想揀件金銀線比較多既褂，但係職員就建議我可以揀紅色部分佔多啲既褂，望落會後生啲。又會話我知越多金銀線望落越成熟，如果老公個樣比較後生就唔好著得咁成熟喇。我覺得佢地俾我既意見都幾專業👍🏼，所以我都有跟佢地既意見去揀。同埋呢間既另外一個優點係佢地會封褂。我問過有啲婚紗公司係無呢個服務嘅。但係可能我揀個件都算新淨，價錢我覺得貴咗啲，所以我就問佢地可唔可以平少少租比我，最後佢地都肯平百零蚊俾我，幾好人。😆