我喺錦發繡莊租裙褂，但因為我本身唔熟裙褂，唔知D款有咩分別，所以去到舖頭都係靠D員工介紹啲褂款俾我。 而負責推介嗰個倫姐都好傾得，好多嘢講，都幾搞笑！我最後揀咗一件$1500，我自己覺得個款真係幾靚！

錦發同我想像中有少少落差。佢有啲好舊嘅褂，真喺好難租得落手。靚嗰啲就一定喺貴，同價錢喺成正比，所以最後揀左個適中嘅價錢。佢個銷售手法喺咁：首先同職員講返你想要咩款，之後佢就會俾兩套褂你，一條新一條舊，你就一定會自動篩選咗舊嘅；但當你見到隔離嗰套靚啲，又想問佢拎嚟試，於是拎出嚟試嘅褂就只會愈嚟愈靚，價錢都愈嚟愈貴。 我租咗套中五福，服務態度都幾好，不過美中不足喺太多人，所以好忙，但職員同你接觸嘅有限時間裡面態度都好好，不過要問嘢嘅話就要等一等，因為佢唔可以同一時間serve到咁多人。