錦發係我同事推介比我，我知道租裙褂唔係太多選擇，所以廢事諗就揀咗佢。 我前後試咗三件，根據老闆娘嘅comment而揀咗大五福，而且我都覺得呢件著上身係最年輕。雖然應該唔係頭褂，但係就好新淨，而且錦發有同我講會封褂，姐係喺我著之前唔會比其他人著。 佢有附送一件全紅嘅睡衣，不過最尾就甩左色上girdle，然後之後著婚紗啲色就整上去，令我擔憂咗成晚。其實我應該小心啲，始終件睡衣係新嘅，冇洗一次係會有甩色嘅機會。而且我一開始已經著咗girdle，而其實著褂根本唔洗著girdle住，所以都唔可以怪責佢地，因為我係可以避免呢件事。 始終錦發係老字號，做野十分熟練，不過就覺得有少少流水式，有種感覺係佢地唔憂做，未必有好殷勤嘅服務，當然亦都唔係差。

我開始就搵咗幾間上海街既舖去揀，去完咗之後都決定揀呢間因為佢地褂本身都新淨，價錢都算合理，無話太貴。去試褂好好，個員工都好好咁俾我慢慢試，我最後揀咗件小五福，confirm完就話會即刻封褂然後『攝』去一邊等妳攞。 我其實婚前早兩日去攞諗住唔駛咁趕，咁我就打點話去問得唔得啦，接電話嗰個態度好唔耐煩，又話如果要早一日就要貴一倍！好啦收線之後諗諗吓，咁婚前一日攞，但係早上早DD攞等晏晝唔駛咁趕都得掛，好啦打去問得唔得，聽嗰個女仕又係態度唔耐煩咁話“早D即係幾點呀？！”，anyway到咗攞褂見到佢地啲人又okay好正常，好奇怪。點都好，件褂當日真係都好新淨，good既。