(煌府婚宴專門店 - 九龍灣EMAX旗艦店) 我去咗好多個場地site visit，主要喺譽宴同煌府，兩間都去咗好多分店睇，九展呢間感覺好闊落，唔會有凳撞凳嘅情況出現，樓底亦非常高，唔會有壓迫感。因為呢間喺旗艦店，所以除咗地理位置隔涉咗啲之外，真喺比其他分店優勝，而且仲有個空中花園，可以出去影相。 我直接上煌府落單，佢有兩個廳，劃分咗兩至三個area，我擺咗廿二圍，拎咗兩個廳，不過佢就另外俾多個廳我用，令到成個場好寬趟。 佢原本應承五點開始食席前小食，但佢就遲咗提供，令到賓客嚟咗冇嘢食，，要我先生特登叫佢哋快啲整，不過我都唔清楚咩原因。因為我哋四點半證婚，啲賓客喺特登提早四點鐘嚟睇，我仲要之前同佢哋講咗唔洗驚，因為會有小食提供，但佢哋嚟到之後就發現未有！其實張單已經寫明幾時有席前小食，但佢竟然遲咗成粒鐘，仲要九展附近冇嘢行，所以呢方面真喺要改善。 backdrop ok，我見到佢有換過，咪都唔錯，不過equipment就有少少舊。我哋拎過光碟上去試，當時projector show出嚟有時會顯示唔哂整個畫面，或者像素唔夠、打格仔、起波浪等等，而bigday當日都喺同一樣嘅器材冇轉過，所以我哋啲片同相幾靚都冇用，因為佢哋equipment support唔到。

(煌府婚宴專門店 - 尖沙咀) 煌府個場樓底高，所以望落幾靚。佢本身話可以早啲交到場俾我，大概兩三點，但最尾就遲咗，要到四點先比到我。佈置雖然都趕得切，但本身我哋諗住可以去影相，但因為四點鐘已經開始有賓客到，所以就影唔到相。當時同酒樓方面聯絡，佢哋話盡快盡快，但直到啲decorations同埋我細路妹都到埋，佢哋都仲話個場有人飲緊茶，未入得去住，搞到我啲屋企人仲要喺門口等多陣再催佢先入到去。另一方面，因為The One太多酒樓，所以搭電梯唔太方便，特別喺散場嗰陣，好多人堆埋一齊走。 職員啲個態度都OK嘅，但未去到去好理想，例如影相想佢幫手搬櫈或者拎嘢，啲員工唔會好快手去做，有時仲要我主動去叫佢，佢哋先肯郁。另外都有樣唔好嘅地方，就喺佢哋成日不停轉負責人，有男有女，每次想搵返上次個負責人都搵唔到，又要花時間同新嗰個follow up。轉到最尾嗰手嘅經理都只喺用電話同佢聯絡過，bigday嗰日都喺唔見人，呢點需要改善下。