(煌府婚宴專門店 - 尖沙咀) 老爺要揀呢間因為佢識個老闆，所以無得揀。接洽ok，冇試菜。$10,000一圍而賓客個個都話好食，但係我當晚都無得食，剩係食咗碗翅。 唔鍾意D佈置，amenities真係差D。D檯布唔到地，款無得揀，色又無得揀，花又唔係真既Centre Piece,係假花嚟既，總之就係無得揀同無得揀。如果場地佈置可以俾我郁，改動吓，或者加自己D idea就好D。 其實佢d野我最後全部都唔要，譬如reception佢有個羽毛花柱／拱門既嘢，我就話一定要搬走。但係個場overall都ok，樓底都幾高。 仲有就係佢地當日先話我知送個煙花俾我，我之前都唔知。我本來係唔想要架，因為覺得好浮誇幾一件事，不過D friend叫我要，因為擺咁多圍D人冇野睇會好悶，咁就事但要咗佢啦。其實真係好誇張，個台無啦啦突然升高再放煙花，效果真係好浮誇，咁佢送俾我都唔錯就要啦。