因為一定要喺大埔擺酒，而大埔好食嘅酒樓都係得海港，所以就喺婚展度join佢哋嘅package。 當時婚展個經理同我哋簽contract，話明包晒candy corner同每圍酒水。但係點知去到大埔門市，個店長就話乜都唔包，話︰「Candy corner唔包架喎! 一向都唔包架，要就加$500！」又話︰「酒水要每圍收$600，我個仔喺度擺酒都要每圍加$500啦!」好在我哋喺婚展簽嗰份合約有寫明，我俾張單佢睇，再聯絡返婚展個經理，都話係跟返合約條款，唔使再另加錢！ 另外，喺婚展時我有特登問佢哋場地個backdrop係咩色，因為好影響揀衫。佢答我係粉紫色，我都問明佢會唔會轉，佢話唔會轉架喇，好少轉。點知上個月去整帖時(package包埋帖)，先發現轉咗粉紅色，又無人通知我，好在我啲衫無撞色！