我本身好鍾意濟州島呢個地方，因為好多韓劇都係個度取景，所以一知道vivi bride佢地係濟州有門市，唔洗帶住一對crew飛過去，我就諗都無諗就揀咗佢地！～ 影之前嘅早半個月，我地就傾詳情，例如係要預備帶咩去之類。去前一個星期，佢地就喺whatsapp度開grp話比我地聽有咩人跟我地。其實嗰時我預定去影相個期係打風，所以就想改期佢地都ok，唔會話要就其他人其他期。佢地話因為佢地個邊有門市，所以因天氣因素而取消既話佢地係包。我覺得呢個就係有門市嘅好處，唔會話帶住隊crew所以一轉期就好麻煩～～！傾地點嗰時佢地會問我鍾意啲咩，又會俾好多相同地方我睇同埋揀。 另外一樣我好欣賞嘅係佢地啲婚紗都可以比我地落水！！我問過其他人，有啲其他公司都會去海邊影，不過通常話到明唔比婚紗落水。但呢間就唔同，佢地直情叫我地落水！！我話會整污糟喎佢地都話唔緊要唔緊要，而咁樣影出黎真係好靚好滿意～！我唔識擺pose，佢地都好樂意教我，每轉一個地方都會教我擺好多pose，影好多張，唔會話同一堆pose唔同背景咁～其實嗰時每影完一個地方佢地都會比我地睇吓影成點，我地ok先會轉場～～好有心機！！ 化妝師喺每個位一影完都即刻同我補妝、擔遮，好細心～ 攝影師同化妝師都係上海人黎，雖然唔係韓國人，但化出黎個妝真係好韓風，我好滿意～～而且個個都睇得出係韓妝所以我都好開心！ 啲相影出到黎，未執同執之後都無乜分別～本身已經好靚！角度構圖都拎得非常好，無唔滿意既地方！！揀相就返到香港揀，都揀咗成2個鐘，無催過我地～

我地揀婚攝公司嘅時候都有睇過唔少公司，而因為我地想要有自然景，所以一開始去問資料時已經諗好趁復活節攞假去濟州島影櫻花。嗰時我地問到Vivi Bride，見佢地可以包哂crew包哂衫，我地唔使帶衫去就方便好多，同埋又係我地budget內可以完成，就揀咗佢地。啲staff前期都講解得好清楚，又會開wechat group提醒我地。 去到當地影之前一日，我地就去佢地studio度揀衫，不過就唔太多選擇，款式都偏舊，不過影出尼唔會見到太多details所以都ok。當然，如果佢地當地partner公司可以有多啲款嘅衫，同埋保養得好啲就更好喇！到影相當日，我地8am就去到佢地舖頭化妝，個妝係比較韓風，出尼嘅效果都滿意。之後我地大概9am出去，影到3pm。package包影三個地方，但係有時我地揸車中間見到啲街邊好靚，或者有個位置有油菜花，雖然唔係指定地方，佢地都會彈性處理，盡量按排我地落車去影。攝影師都好好，佢唔會影到得景或者得人，兩樣佢都影得好好，同埋都覺得佢好盡力，唔錫身咁幫我地影，攞景都好專業。 到收相個陣，速遞嗰邊出咗啲問題，其實已經唔關香港呢邊staff佢地事，但我問佢地嘅時候，佢地都即時幫我地處理。揀相個陣，見到原來佢地幫我地影左成300幾張相，我地見到執得都好好，好滿意，所以全部都買哂，而且過程當中我地慢慢揀都無催我地。