本身無諗住租裙褂，但我個攝影師就話一生人一次無理由唔著下，我一上永隆就已經覺得好鍾意，啲姐姐服務真係好好，因為我地for裙褂budget唔多，但係佢地既quality好好，同埋keep得好好，最後我係揀咗小五福既，因為我比較鍾意多啲紅色instead of金銀色，佢地會係你揀咗之後比意見，然後上身可以即場試，下身就因為習俗就唔試得，但我試個陣佢都話我可以影多啲相，都無話唔比我影。雖然個日星期日，都多客人，但啲姐姐態度都好好，我個日試咗5、6套，試完之後覺得小五福好啲就落咗訂，其實我一開頭完全唔知上面繡既係乜嘢，我覺得去試裙褂係長知識既，我都好開心有租到裙褂，我覺得價錢都好ok。再者我屋企樓下其實係有個中式既公園，跟住我就著裙褂係個度影咗陣相。裙褂始終係比較傳統既行業，比較少網上宣傳，我覺得如果佢地可以加入到新既元素比更加多人知道呢樣野就更好啦！

永隆係我哋個wedding planner介紹既，個到服務態度好專業，會介紹世界上唔同既裙褂種類俾我哋聽，要咩都會攞俾我哋試。我哋當時影咗好多相，又唔係即日買，佢態度都好好。第二次番去就咁俾番幅相佢睇，佢都可以係佢百幾個箱入面搵得番相入面果套裙褂出嚟。另外，我哋係第二度租咗套男裝禮服但係無咗件配飾，永隆竟然肯唔收錢借俾我哋，真係好好。