其他人覺得個花球靚，我睇返相都覺得幾靚，但果刻拎住就覺得唔太抵，可能因為個價錢太貴，所以就有少少失望。本身join$1988嘅package，但係因為加左繡球、襯花球果啲，所以最後加多左300蚊。拎花球方面有少少麻煩，一係就夜晚八點半之後太子道拎，一係第二朝去佢係青衣嘅屋企拎。佢都幾夜返工，有次係夜晚差唔多12點先打俾我。 其實佢係最後一個星期先搵我，問我鐘意咩色，又問有冇主題花果啲，叫我send返啲我鐘意嘅花球嘅相俾佢。因為佢一直以黎都冇乜影，所以我有主動搵佢同佢講婚紗點、我個樣係點之類，可能因為佢太多單，所以就冇乜時間，都有少少驚佢做唔切。 如果可以早少少傾會好啲，因為始終新娘會緊張，講聲comfort返新娘已經好ok。

因為Hahaha有我想要嘅鬼佬花，於是係度訂左行ceremony嘅頭花、花球。啲花全部都係外國訂返黎，全部做得好靚。因為outdoor嘅花球好易殘，加上日頭太陽多，花球又易缺水，而且係黃昏嘅時候又會拎住花球影下相，所以唔想花球太殘。個花球係大粒啲嘅garden rose，隻色好靚，係我好鐘意啲tone，有少少peach嘅，同埋唔易order，但佢又可以買到。 佢個basket嘅花都好靚，係佢嘅signature，大概千八蚊，我就擺左係head table當decoration。呢個係用啲好鬼佬式嘅插花，啲人離開嘅時候可以拎枝走。 hahaha嘅態度都好好，可能因為對花要有心機，因為如果唔loving啲花會殘，所以最後都同佢地做到半個朋友。