我本身想搵另一間，但full左，咁睇完呢間覺得都ok就落左訂！我係到買咗襟花，手花，感謝花束比媽咪奶奶，仲有就係門柄個Ｄ花飾！我一路都係同個店主用whatsapp溝通成個訂同整嘅過程，佢都覆得快嘅！咁我係request送貨嘅，係比較差嘅位係送黎嗰時Ｄ襟花手花都有用營養水養住，但裝得太滿，搞到Ｄ絲帶濕晒！花嘅選擇都好多，都會比Ｄ時令花我揀，我無自己tailor made，因為覺得佢之前整過Ｄ款比較穩陣！花都新鮮，完左big day都仲放到三日〜

上網睇相見到佢Ｄ鮮花好靚，然後睇左實物都好好就幫襯左！ 我係base on佢意見再講我想點，我中意藍色多Ｄ既，咁佢都肯幫我加Ｄ藍色既花！我係個到整左一個鮮花花球，6對襟花，5對屋企人既花！Ｄ花送黎都好新鮮，另外佢地免費送左對襟花比我老公，Ｄ花仲可以擺到好耐！